السلام عليكم ورحمة الله وبركاته
18/4/2013
الحلم ده حلمته من سنتين الحلم كان بعد صلاة الفجر
فجر تانى يوم من موقعة الجمل
حلمت انى طالعة من باب الطيارة و واقفة على السلم فى مطار مصر و قدامى بابين باب على اليمين و ده زحمة جدا و ناس كتير خارجة منه و باب على الشمال و ده فاااااضى و ده باب الدخول لمصر و ترددت انى اخش بس فى الاخر خشيت و انا ماشية لاقيت هيلارى كلينتون داخلة قدامى و متنكرة و لابسة حجاب على شعرها و شعرها باين من ورا ضهرها اصفر و جمييل و بيلمع و بعدين دخلت و عدت على مكتب و كانت قاعدة علية بنت البنت اول ما شفتها قامت وقفت و ماطلبتش منها الجواز بتاعها و راحت هيلارى كلينتون مشيت على طول و بعد ما مشيت كان فية صفيحة زباله راحت شايلة الحجاب من على شعرها و رمته فيها و طلع مع الحجاب شعرها الاصفر الحلو و طلع باروكة و بان شعرها الحقيقي وحش و خشن و فيه حتت قارعة فى راسها و هى داخلة كان فيه راجل جاى يسلم عليها شكله وحشش اوى ووشه لونه ازرق و انا قاعدة اصرخ ده الناس اللى بياكلو الناس ده الناس اللى بياكلو الناس و فجأة فى اللحظة اللى خلاص ايده بتسلم على ايدها جه راجل من وراية لابس ابيض انا ماشفتوش شفت بس ايده اليمين وكم القميص اللى لابسه كان لونه ابيض و فى ايده سيف قام ضارب الراجل اللى شكله وحش بالسيف قطعله ايده اللى كان بيسلم بيها على هيلارى كلينتون فراح وقع على الارض و راح الراجل اللى لابس ابيض بص لهيلارى كلينتون و قالها الأيد اتقطعت خلاص و فجأة حاول الراجل اللى شكله وحش يقوم تانى راح الراجل اللى لابس ابيض مسكه من تلابيبه و قعد يضربه بالسيف يمين و شمال يمين و شمال و فى اخر ضربة راح قطع رأسه راحت راسه متدحرجة تحت رجلى. انتهت
تنبيه يعني الرؤيا قبل تنحي مبارك
المعلومات عنى
انا متزوجة و عندى طفلين
عايشة برة مصر
الحمد لله قريبة من ربنا و ربنا يهدينا اجمعين و يثبتنا و يحسن ختامنا يا رب
منقول
السلام عليكم ورحمة الله وبركاته
التعديل الأخير بواسطة المشرف: