السلام عليكم ورحمة الله وبركاته
23/1/2014
عاوزة تفسير للحلم دا من فضلكم 23/1/2014
حلمت إنى كنت قاعده فى مكان مفروض إنه كنيسة لأنى كنت شايفة الرسومات "اللى هى السيدة العذراء فى اعتقادهم"
وبعدين قلت فى نفسى إزاى أقعد هنا كده
وكانوا حيبدأوا الصلاة بتاعتهم "القداس"
فالمفروض حيطفوا النور ، و انا طفيتهولهم بنفسى وخليته خافت
بالرغم إنى كنت بقول لنفسى مفروض أقوم بس ما قمتش
بعدين ماعرفش إيه اللى حصل
فجأة لقيت إن الدنيا بتشتى جامد ، مطر غزير
و ناس كتير -وانا معاهم- بنجرى بنحاول نتحامى من المطر بس الأسقف كانت بتخر فوقنا برضو
"إحنا هنا كنا فى مكان تانى مش فى الكنيسة
وشوش الناس كانت مألوفه بالنسبالى "شوفتهم فى الحقيقة"
فروحت قربت من جنب واحده صاحبتى
وقلتلها عارفة مفروض نصلى على الرسول
لأنه قال : يكفيه ما أهمه "أو همه" أو كما قال الرسول
بعدين مش فاكرة انا ولا هى اللى قلنا صلى الله عليه وسلم
المهم المطر وقف
فأنا جريت على الأرض سجدت سجدة شكر وانا فرحانة جدا
وصحيت على كده
- الحالة الدينية لك ولمن معك فى الرؤية: الحمد لله نحافظ على الصلوات
- حالتك الاجتماعية: انسة
- هل أنتى موظفه:لا طالبة
- هل أنتى حامل ، أو تنتظرين حمل: لا
- هل تعانى من اى هموم او ارق قبل النوم. لا ولكن أحيانا أخذ وقت حتى أستغرق فى النوم- هل ترقين رقية شرعية ام لا: لا ، بس بقول أذكار الصباح والمساء
- حلم عادى ام استخار: حلم عادي
منقولة
السلام عليكم ورحمة الله وبركاته