السلام عليكم ورحمة الله وبركاته
أنا عندي رؤية رأيتها من حوالي خمس شهور
والرؤية دي فيها مشهدين المشهد الأول إني دخلت كوخ خشبي وفيه واحدة بترضع وليدها وكأنها أختي الكبيرة بس مش هي وقفلت الباب بتاع الكوخ وقلت لها إن فيه ناس بتجري نحو الكوخ وعايزة تاخد الطفل وقلت لها أرمي الطفل وكان فيه في الكوخ شباكين واحد جهة اليمين بيطل على النيل وواحد جهة الشمال بيطل على المكان اللي جي منه الناس ..ولما قلت لها أرمي الطفل كان قصدي ترميه في النيل زي ما أم موسى عملت
لكنها رمته من الشباك التاني وهي مش خايفة عليه وأنا استغربت لأنها رمته من جهة الناس الأشرار اللي عايزينه وبعد ما رمته سمعت صوتهم ماشيين رحت فتحت الباب لقيته بيطل على غابة ولقيت الطفل محمول على خيوط عنكبوت بين الأشجار ولم يصيبه أذى... قمت اخذته ورجعته لأمه ..
المشهد التاني من الرؤية إني كنت في ساحة كبيرة وفيه باب لبيت على يميني وكان فيه رجل شاب لابس ابيض وعنده لحية سوداء بس أنا مفسرتش وجهه كويس كان واقف على شمالي .. المهم خرج من الباب طفل صغير وجري نحو الشاب وقال له يا جدي وأنا استغربت لأن ده شاب مش كبير المهم الشاب ده قالي مين هيتعهد محمد المهدي يقصد الطفل ده قلت له تقصد محمد الهادي قال لأ ده محمد المهدي فضميت الطفل وأنا واقفة وقلت له أنا .. ملحوظة الطفل كان عمره تقريبا 6سنوات وكان لابس جلابية رصاصي مدي على فضي لكن اللي أكتشفته إنها مش جلابيه إن ده شعر جسمه مداري كل جسمه بس كان شكله جميل ...
أنا آنسة ..والحمد لله ملتزمة وبحفظ قرآن ... وبصوم الأثنين والخميس
نشرت في 26-2- 2011
منقولة
