السلام عليكم ورحمة الله وبركاته
7/2/2014
انا حلمت انى بنت اختى عندى فى البيت ونفسها تنزل معايا تشترى اى شئ7/2/2014
وانا ماكنتش عايزه انزل ومترددة بس بعد الحاحها ولانى بحبها جدا وافقت انى اخرج معاها
وبدانا نلبس هى لبست واخدت طرحة من عندى وهى فى الحقيقة محجبة والحمد لله
وبعدين انا كنت محتارة البس ايه وطلعت بنطلون قماش واسع وكان شكله حلو والوانه جميلة جدا
وزى ما اكون اول مرة اشوفه ولبسته واكتشفت ان فيه سوست كتيييير من تحت قفلت 2 من تحت
وبعدين بنت اختى وبنتى قفلوا باقى السوست وفجاة تحول البنطلون الواسع لجيبة واستغربنا وفرحت جدا
وانا كنت بلبس وببص فى الساعه لانى متردده فى الخروج لان الساعه قربت على 11 بالليل والوقت اتاخر
وكنت بدات البس من قبلها بساعه ونص
ودخلت البلكونة ابص اشوف الشارع ضلمة ولا فيه ناس فوجئت ان الشمس طالعه وكبيرة ومنورة الدنيا
استغربت وبصيت اوى لقيت الشمس ادامها القمر والاتنين منوريين بس الشمس اكبر ومنورة جداااا
جريت اقول لبنتى وبنت اختى الشمس منورة الساعه 11 بالليل
الشمس طلعت من المغرب ازاى الشمس بالليل وكنت عماله اجرى انا وهما نبص من كل شباك شوية
وصحيت وانا مخضوضة وبقول باب التوبة اتقفل
- الحالة الدينية لك ولمن معك فى الرؤية
الحمد لله مواظبين على الفرائض
وبنحاول نجتهد اكتر لكن انا كنت افضل من كدة والان فيه تقصير كبير
لانى كنت بقرا قراءن وبجتهد اكتر من دلوقتى
- اسماء من فى الحلم وعلاقتك بيهم
الشيماء ابنة اختى -- مريم ابنتى
- حالتك الاجتماعية
متزوجة
- هل أنتى موظفه ؟
لا
- هل أنتى حامل ، أو تنتظرين حمل ؟
لا
- هل تعانى من اى هموم او ارق قبل النوم
لا
- هل ترقين رقية شرعية ام لا
لا
- حلم عادى ام استخارة
عادى
منقول
السلام عليكم ورحمة الله وبركاته
السلام عليكم ورحمة الله وبركاته