- إنضم
- 16 أبريل 2017
- المشاركات
- 765
- التفاعل
- 1,797
- النقاط
- 102
بسم الله الرحمن الرحيم
السلام عليكم ورحمة الله وبركاته
قصة_حقيقية حصلت من يومين بكل أسف، ولله الأمر من قبل ومن بعد..
انتشر خبر كئيب ان طالب شاب عند زوجي في الكلية انتحر... ثم طلع ابن عمه يكذب الخبر تماما ويقول دة مات وهو بينضف مسدس والده..
الخبر انتشر لدرجة إن الجرايد والصحف كتبت عنه بالتفصيل.. مع ذكر التضارب طبعا..
الحقيقة المؤكدة في سبب الوفاة هتفضل في علم الغيب.. الله يرحمه أيا كان..
لكن المؤكد للجميع إن الشاب دة كان بيعاني من نوبات اكتئاب كبيرة أوي وفوق احتمال شاب في سنه لسة ما تمش العشرين!
و له فيديو حواري مع صديق مقرب له، الحقيقة مخيف جدا ..!! محتوى الحوار وردود الشاب -الله يرحمه- تخلي الواحد شعره يشيب! جبل جاثم على أنفاس قلبه وهو بيتكلم، ملامحه كلها احساس بالضعف والهوان والعجز واللاهدف واليأس والغم والسواد..
بيتكلم في الفيديو عن الانتحار كإنه شكة دبوس!! وانه بيفكر فيه كتير..!! لدرجة انه في يوم قريب جدا نزّل تويتة على حسابه يسأل فيها أصحابه "لو هتنتحر تختار تنتحر ازاي: بالسم والا بالمشنقة والا بالقفز من مكان مرتفع.."!!
لسة مش دي الكارثة.. الكارثة الحقيقية ان الشباب استهانوا بالامر وشاركوا في الاستبيان -ولا كإنه استبيان تقديم لوظيفة- وهما مش عارفين انهم بيخططوا مع صاحبهم الطريقة اللي ينهي بيها حياته!
ثم في يوم بعدها فجأة، جالهم خبر وفاته و تضاربت الأنباء حول الطريقة زي ما قلنا، لكن تظل الحقيقة المؤكدة هي إنه لو لم يمت منتحرا يومها لربما انتحر لاحقا من كتر كلامه عن تفكيره كتير في تنفيذ الأمر ..
وأيا كان مات منتحرا أم في حادثة المسدس بقدر الله، فالله يرحمه رحمة واسعة ويغفر له ويصبر أهله.. حتى لو مات منتحر يا أسماء نترحم عليه ونصلي عليه جنازة؟؟!!!! أيوة.. الإن اللي بيموت منتحر عن اكتئاب حقيقي غالبا بيبقى مرفوع عنه القلم لإنه بيبقى ذاهب العقل غير حاضر الإرادة أو العزم الواعي.. دة غير ان مفيش اي دليل يثبت ان اي شخص مات منتحر غالبا..
الله يرحمه الشيخ عطية صقر له كلمة مشهورة لما سألوه "هل نترحم على المنتحر ونصلي عليه؟"، فقال ما معناه "أيوة لإن حتى لو شفناه بعنينا مشنوق في حبل او ماسك مسدس في ايده وهو ميت ومتأكدين إنه مات منتحر، فلن نتأكد أنه انتحر "مستحلا" للانتحار -بمعنى انه عارف ان الانتحار حرام و بيقول لأ حلال، ودة فقط هو اللي بيبقى كافر وعقوبته الخلود في النار.. وبالتالي عمرنا ما هنمنع صلاة الجنازة عن المنتحر، أو الترحم عليه إلا في حالة واحدة فقط، اننا نلاقي جنب جثته إقرار مكتوب بخط ايده إنه مات منتحرا مستحلا للانتحار رغم حكم الله فيه بالحرمة المطلقة.." وابحثوا في إسلام ويب والإسلام سؤال وجواب وهتتأكدوا أكتر..
لذلك :
ماتستهينوش بالطبطبة والحضن والعقيدة..
اللي عنده اكتئاب ما يتكسفش يكشف عند طبيب نفسي تقي قوي أمين صاحب علم ودين.. دة مرض العصر فما مفيش فيه حاجة تكسف.. وله علاج كيميائي وغيره، بجانب العلاج الشرعي..
ماتستهينوش بالطبطبة والحضن والعقيدة..
مع كامل احترامي لكل اللي بيرفضوا كلام في الدين مع مريض الاكتئاب، ربنا قال عن كلامه "شفاء لما في الصدور وهدى ورحمة".. محتار؟ القرآن هيوجهك ويهديك للصواب.. حاسس بضيق؟ القرآن هيمسح على أحزانك و تنزل عليك الرحمة.. مريض نفسي وقلبي؟ القرآن فيه شفاءك من كل داء.. بجانب علاجك عند أهل التخصص طبعا.. الاكتئاب ايوة مرض العصر لكن دة لإن انتشر قبل منه مرض العصر الأصلي "البعد الحاد عن الله"... وإلا ليه ماهواش مرض منتشر في عصور السلف الصالح والقرون الثلاثة الأولى خير القرون..؟! كيميا المخ بتتغير نتيجة للنفسية والقلب والخواطو والمحن وتعرضك للظلم والقسوة والاحباط والفتن وخلافه، واستقبالك لكل دة مبني على عقيدتك وإيمانك ومدى ضعفهم من قوتهم.. عشان كدة رقة الدين في زماننا دة كارثة كبرى والمرض العضال بحق..
ماتستهينوش بالطبطبة والحضن والعقيدة..
ما تستهينوش بكلمة حد يقول أنا عندي اكتئاب.. ولا تهولوا الأمر بردو بدرجة تخليه يكتئب فعلا بالإيحاء.. الحل: اسألوه عن أعراضه -بياكل بيضحك بينام كتير بيصلي بيعيط كتير....؟- واطمنوا عليه بأسئلة استقصائية بسيطة، وطمنوه هل دة اكتئاب والا لأ، ووجهوه صح حسب الكلام.. أعراض الاكتئاب ودرجاته دي ثقافة لابد منها في زماننا دة نبقا عارفينها..
ما تستهينوش بالطبطبة والحضن والعقيدة...
مش كل حاجة تاخدوها بهزار وسطحية.. شيء من العمق والإحساس بالمسؤولية قد ينقذ روح من الموت وربما من النار..
ماتستهينوش بالطبطبة والحضن والعقيدة..
ماتستهينوش بكلامكم عن الانتحار كأمر عادي في حواراتكم، دي كبيرة من الكبائر لا يعلم قدر عظمها إلا خالق الروح ومالكها، فكيف تتخيلون عقاب من ينازع الله في روح خلقها بيده وقدر لها الحياة، ثم صاحبها يبادر إلى إزهاقها من دون الله!
ماتستهينوش بالطبطبة والحضن والعقيدة..
ما تشغلوش نفسكم بمصير المنتحر، لإن كدة كدة مش هتعرفوا.. هو ف المشيئة الإلهية.. غيب لا يعلمه إلا الله.. و يكفيكون الأمر مخفي وفي المشيئة حتى نصاب بالهلع! مش حاجة تطمن خالص والله لما اقولك الله اعلم بمصيره، "إن شاء عذبه وإن شاء عفا عنه"..!
ماتستهينوش بالطبطبة والحضن والعقيدة..
ما تتناقلوش أخبار الانتحار ببساطة دون تبين.. للمتوفى أهل يموتون كمدا على فراقه.. فما بالكم لما نضيف على حزنهم حزن البهتان زورا وألم الدفاع عنه..؟!
ماتستهينوش بالطبطبة والحضن والعقيدة...
اهتموا بالعقيدة، اول مطلب طلبه كل الرسل من قومهم.. علموا ولادكم أسس دينهم العقدية قبل ما تعلموهم ايه بي سي و شوز و كات وكار..!! ازرعوا فيهم أركان الإيمان الستة يوميا: الله/الملائكة/الكتب/الرسل/اليوم الآخر/القدر خيره وشره، واسقوهم أسماء الله الحسنى وشرحها المبسط من وهما صغيرين اوي..
وحفظوهم القرآن واشرحولهم اياته ببساطة.. مالناش عذر قسما بالله... لإن كتب فقه الأسماء الحسنى الميسرة متوفرة حاليا و كتب التفسير المبسط كذلك.. انا ولادي بيقروها وبيفهموا من وهما صغيرين.. القرآن و قصصه و العقيدة وأركان الإيمان من المثبتات عند الفتن "نقص عليك من أنباء الرسل ما نثبت به فؤادك"..
ماتستهينوش بالطبطبة والحضن والعقيدة..
ماتستهينوش بخوف أولادكم، وشكواهم، وحزنهم، ونومهم الكتير الغير مبرر، وقلة شهيتهم للاكل واللعب والاختلاط الاجتماعي الطبيعي،وانعدام الطموح عندهم والتفاؤل والإقبال على الحياة، واجاباتهم الصعبة ورسوماتهم الغامضة... احضنوا ولادكم وارقوهم وحصنوهم بالدين والرقية والأمان والحنان والسكن..
ما تنشروش فيديوهات الناس اللي عندها مرض نفسي وبتتكلم باستهانة عن الانتحار، لإن كلامهم بيجد قبول عند الناس اللي عندها نفس الوسواس، ودة خطر جدا لإنها بتبقى عدوى شرسة ببساطة..
ماتستهينوش بالطبطبة والحضن..........
اسألوا على بعض، ادعوا لبعض، واسوا بعض، ثبتوا بعض و صبروا بعض "وتواصوا بالحق وتواصوا بالصبر"، اطمنوا على دين بعض: صلاتكم وقرآنكم والطاعات كلها..
المؤمن للمؤمن كالبنيان المرصوص، يشد بعضه بعضا.. ومثل المؤمنين في توادهم وتراحمهم كمثل الجسد الواحد إذا اشتكى منه عضو تداعى له سائر الجسد بالسهر والحمى...
منقول
السلام عليكم ورحمة الله وبركاته
قصة_حقيقية حصلت من يومين بكل أسف، ولله الأمر من قبل ومن بعد..
انتشر خبر كئيب ان طالب شاب عند زوجي في الكلية انتحر... ثم طلع ابن عمه يكذب الخبر تماما ويقول دة مات وهو بينضف مسدس والده..
الخبر انتشر لدرجة إن الجرايد والصحف كتبت عنه بالتفصيل.. مع ذكر التضارب طبعا..
الحقيقة المؤكدة في سبب الوفاة هتفضل في علم الغيب.. الله يرحمه أيا كان..
لكن المؤكد للجميع إن الشاب دة كان بيعاني من نوبات اكتئاب كبيرة أوي وفوق احتمال شاب في سنه لسة ما تمش العشرين!
و له فيديو حواري مع صديق مقرب له، الحقيقة مخيف جدا ..!! محتوى الحوار وردود الشاب -الله يرحمه- تخلي الواحد شعره يشيب! جبل جاثم على أنفاس قلبه وهو بيتكلم، ملامحه كلها احساس بالضعف والهوان والعجز واللاهدف واليأس والغم والسواد..
بيتكلم في الفيديو عن الانتحار كإنه شكة دبوس!! وانه بيفكر فيه كتير..!! لدرجة انه في يوم قريب جدا نزّل تويتة على حسابه يسأل فيها أصحابه "لو هتنتحر تختار تنتحر ازاي: بالسم والا بالمشنقة والا بالقفز من مكان مرتفع.."!!
لسة مش دي الكارثة.. الكارثة الحقيقية ان الشباب استهانوا بالامر وشاركوا في الاستبيان -ولا كإنه استبيان تقديم لوظيفة- وهما مش عارفين انهم بيخططوا مع صاحبهم الطريقة اللي ينهي بيها حياته!
ثم في يوم بعدها فجأة، جالهم خبر وفاته و تضاربت الأنباء حول الطريقة زي ما قلنا، لكن تظل الحقيقة المؤكدة هي إنه لو لم يمت منتحرا يومها لربما انتحر لاحقا من كتر كلامه عن تفكيره كتير في تنفيذ الأمر ..
وأيا كان مات منتحرا أم في حادثة المسدس بقدر الله، فالله يرحمه رحمة واسعة ويغفر له ويصبر أهله.. حتى لو مات منتحر يا أسماء نترحم عليه ونصلي عليه جنازة؟؟!!!! أيوة.. الإن اللي بيموت منتحر عن اكتئاب حقيقي غالبا بيبقى مرفوع عنه القلم لإنه بيبقى ذاهب العقل غير حاضر الإرادة أو العزم الواعي.. دة غير ان مفيش اي دليل يثبت ان اي شخص مات منتحر غالبا..
الله يرحمه الشيخ عطية صقر له كلمة مشهورة لما سألوه "هل نترحم على المنتحر ونصلي عليه؟"، فقال ما معناه "أيوة لإن حتى لو شفناه بعنينا مشنوق في حبل او ماسك مسدس في ايده وهو ميت ومتأكدين إنه مات منتحر، فلن نتأكد أنه انتحر "مستحلا" للانتحار -بمعنى انه عارف ان الانتحار حرام و بيقول لأ حلال، ودة فقط هو اللي بيبقى كافر وعقوبته الخلود في النار.. وبالتالي عمرنا ما هنمنع صلاة الجنازة عن المنتحر، أو الترحم عليه إلا في حالة واحدة فقط، اننا نلاقي جنب جثته إقرار مكتوب بخط ايده إنه مات منتحرا مستحلا للانتحار رغم حكم الله فيه بالحرمة المطلقة.." وابحثوا في إسلام ويب والإسلام سؤال وجواب وهتتأكدوا أكتر..
لذلك :
ماتستهينوش بالطبطبة والحضن والعقيدة..
اللي عنده اكتئاب ما يتكسفش يكشف عند طبيب نفسي تقي قوي أمين صاحب علم ودين.. دة مرض العصر فما مفيش فيه حاجة تكسف.. وله علاج كيميائي وغيره، بجانب العلاج الشرعي..
ماتستهينوش بالطبطبة والحضن والعقيدة..
مع كامل احترامي لكل اللي بيرفضوا كلام في الدين مع مريض الاكتئاب، ربنا قال عن كلامه "شفاء لما في الصدور وهدى ورحمة".. محتار؟ القرآن هيوجهك ويهديك للصواب.. حاسس بضيق؟ القرآن هيمسح على أحزانك و تنزل عليك الرحمة.. مريض نفسي وقلبي؟ القرآن فيه شفاءك من كل داء.. بجانب علاجك عند أهل التخصص طبعا.. الاكتئاب ايوة مرض العصر لكن دة لإن انتشر قبل منه مرض العصر الأصلي "البعد الحاد عن الله"... وإلا ليه ماهواش مرض منتشر في عصور السلف الصالح والقرون الثلاثة الأولى خير القرون..؟! كيميا المخ بتتغير نتيجة للنفسية والقلب والخواطو والمحن وتعرضك للظلم والقسوة والاحباط والفتن وخلافه، واستقبالك لكل دة مبني على عقيدتك وإيمانك ومدى ضعفهم من قوتهم.. عشان كدة رقة الدين في زماننا دة كارثة كبرى والمرض العضال بحق..
ماتستهينوش بالطبطبة والحضن والعقيدة..
ما تستهينوش بكلمة حد يقول أنا عندي اكتئاب.. ولا تهولوا الأمر بردو بدرجة تخليه يكتئب فعلا بالإيحاء.. الحل: اسألوه عن أعراضه -بياكل بيضحك بينام كتير بيصلي بيعيط كتير....؟- واطمنوا عليه بأسئلة استقصائية بسيطة، وطمنوه هل دة اكتئاب والا لأ، ووجهوه صح حسب الكلام.. أعراض الاكتئاب ودرجاته دي ثقافة لابد منها في زماننا دة نبقا عارفينها..
ما تستهينوش بالطبطبة والحضن والعقيدة...
مش كل حاجة تاخدوها بهزار وسطحية.. شيء من العمق والإحساس بالمسؤولية قد ينقذ روح من الموت وربما من النار..
ماتستهينوش بالطبطبة والحضن والعقيدة..
ماتستهينوش بكلامكم عن الانتحار كأمر عادي في حواراتكم، دي كبيرة من الكبائر لا يعلم قدر عظمها إلا خالق الروح ومالكها، فكيف تتخيلون عقاب من ينازع الله في روح خلقها بيده وقدر لها الحياة، ثم صاحبها يبادر إلى إزهاقها من دون الله!
ماتستهينوش بالطبطبة والحضن والعقيدة..
ما تشغلوش نفسكم بمصير المنتحر، لإن كدة كدة مش هتعرفوا.. هو ف المشيئة الإلهية.. غيب لا يعلمه إلا الله.. و يكفيكون الأمر مخفي وفي المشيئة حتى نصاب بالهلع! مش حاجة تطمن خالص والله لما اقولك الله اعلم بمصيره، "إن شاء عذبه وإن شاء عفا عنه"..!
ماتستهينوش بالطبطبة والحضن والعقيدة..
ما تتناقلوش أخبار الانتحار ببساطة دون تبين.. للمتوفى أهل يموتون كمدا على فراقه.. فما بالكم لما نضيف على حزنهم حزن البهتان زورا وألم الدفاع عنه..؟!
ماتستهينوش بالطبطبة والحضن والعقيدة...
اهتموا بالعقيدة، اول مطلب طلبه كل الرسل من قومهم.. علموا ولادكم أسس دينهم العقدية قبل ما تعلموهم ايه بي سي و شوز و كات وكار..!! ازرعوا فيهم أركان الإيمان الستة يوميا: الله/الملائكة/الكتب/الرسل/اليوم الآخر/القدر خيره وشره، واسقوهم أسماء الله الحسنى وشرحها المبسط من وهما صغيرين اوي..
وحفظوهم القرآن واشرحولهم اياته ببساطة.. مالناش عذر قسما بالله... لإن كتب فقه الأسماء الحسنى الميسرة متوفرة حاليا و كتب التفسير المبسط كذلك.. انا ولادي بيقروها وبيفهموا من وهما صغيرين.. القرآن و قصصه و العقيدة وأركان الإيمان من المثبتات عند الفتن "نقص عليك من أنباء الرسل ما نثبت به فؤادك"..
ماتستهينوش بالطبطبة والحضن والعقيدة..
ماتستهينوش بخوف أولادكم، وشكواهم، وحزنهم، ونومهم الكتير الغير مبرر، وقلة شهيتهم للاكل واللعب والاختلاط الاجتماعي الطبيعي،وانعدام الطموح عندهم والتفاؤل والإقبال على الحياة، واجاباتهم الصعبة ورسوماتهم الغامضة... احضنوا ولادكم وارقوهم وحصنوهم بالدين والرقية والأمان والحنان والسكن..
ما تنشروش فيديوهات الناس اللي عندها مرض نفسي وبتتكلم باستهانة عن الانتحار، لإن كلامهم بيجد قبول عند الناس اللي عندها نفس الوسواس، ودة خطر جدا لإنها بتبقى عدوى شرسة ببساطة..
ماتستهينوش بالطبطبة والحضن..........
اسألوا على بعض، ادعوا لبعض، واسوا بعض، ثبتوا بعض و صبروا بعض "وتواصوا بالحق وتواصوا بالصبر"، اطمنوا على دين بعض: صلاتكم وقرآنكم والطاعات كلها..
المؤمن للمؤمن كالبنيان المرصوص، يشد بعضه بعضا.. ومثل المؤمنين في توادهم وتراحمهم كمثل الجسد الواحد إذا اشتكى منه عضو تداعى له سائر الجسد بالسهر والحمى...
منقول