السلام عليكم ورحمة الله وبركاته
17/2/2013
حلمت انى ماشيه فى شارع فيه مدرستى الاعداديه والشارع كان طويل أوى وكله مياه وأنا ماشيه لقيت واحد واقف مع ظابط أو أمين شرطه لابس اسود وبيكلمه عن أحوال البلد وان فىظلم شديد واقع على الناس قبل ما أوصل لباب المدرسه بمسافه قصيره أوى وكان فيه سوان كبير أمام المدرسه وفيه ناس كتير واقفين لكن المدرسه كانت متوضبه أوى ونضيفه جدا كأنها مدرسه خاصه وعلى فكره المدرسه اسمها ناصر والمنطقه اللى هى فيها برضه اسمها ناصر وبعدين أنا دخلت المدرسه وكان معايا واحده صاحبيتى مش فاكره اسمها وكانت لابسه أخضر وأنا كنت لابسه أبيض لكن حجاب وأنا فى الحقيقه منتقبه ولقيت واحد ممثل اسمه وائل علاءواقف على سلم ولابس أمن مركزى وبيقولنا ان مينفعش نعدى من الباب ده علشان ده اللى هيعدى منه الرئيس وصممت أخرج منه ولقيت الرئيس محمد مرسى على السلم اللى أمام الباب لابس بدله شيك أوى لونها اسود وفجأه لقيته بيوطى يقلع الجزمه وبعدين قلع كل هدومه ما عدا بنطلون أبيض بيتلبس تحت الهدوم وخرج قعد على دكه خشب أمام السوان وأنا فضلت أكلمه وأقول حرام عليك تموت ولادنا وانت ظلمتنا وكلام كتير أوى وكنت بعيط وهو فضل يعيط ومردش عليه .انتهت17/2/2013
منقولة
السلام عليكم ورحمة الله وبركاته
التعديل الأخير بواسطة المشرف: