السلام عليكم ورحمة الله وبركاته
10/5/2013
حلمت ( يارب يكون خير )10/5/2013
بموجه كبيره اوى اوى وعاليه جدا شكلها يرعب جايه علينا وهتغرق البلد
والموجه دى كان فيها حفر نار ماكانتش كبيره اوى ولا صغيره
بس كنت عارفه انها هتعمل ضرر للمكان اللى هتيجى فيه
وكنا فى مدينه ساحليه صغيره يمكن جمصه (لان والدتى ليها شقه هناك )
المهم لقيت بنتين رايحين يقعدوا ويدوا ظهرهم ل الشط اللى هتيجى عليه الموجه دى ومش شايفينها
البنتين دول ما اعرفهومش شخصيا بس فى نفس الوقت اعرفهم زى مثلا اصدقاء ليا ع النت
فقومتهم وعرفتهم ان فيه خطر فى المكان ده وقاموا
ولما الموجه دى غرقت الارض ..سابت بقع النار دى فى كل مكان
وكان موجود زى شباب كده بيحاولوا يطفوها .. بس هيطفوها بطريقه غلط
فجه راجل كبير فى السن و شكله حكيم ولحقهم قبل ما يعقدوا الامور وهما مش واخدين بالهم
وهو اللى طفاها
انا فى الغالب احلامى قليله جدا ..وكلها تقريبا بتبقى رؤى
- الحالة الدينية للرائية و من معها .
الحمد لله ملتزمه
- أسماء من فى الحلم و علاقتك بيهم .
معرفش حد فيهم خالص
- الحالة الاجتماعية للرائية ( أنسة - مرتبطة - مخطوبة - متزوجة - أرملة - حامل ) .
متزوجه
- هل تعانى الرائية من هموم أو توتر أو قلق قبل النوم .
أبدا
- توضيح هل الرائية ترقى أم لا . - توضيح هل الحلم حلم عادى أم استخارة .
لا ارقى وان كنت احافظ على اذكار الحفظ
حلم عادى بدون استخاره
مع التوضيح بانى لا ارى اضغاث الاحلام الا نادرا
السلام عليكم ورحمة الله وبركاته
التعديل الأخير بواسطة المشرف: