رَكِز في ورقتك .. و كن مستعد

[بشارة]

بسم الله الرحمن الرحيم
السلام عليكم ورحمة الله وبركاته
لا تنسى ذكر الله
(إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا)

​

من حكمة ربنا.. انك تلاقي واحد دايما حاله مستقر.. وواحد تاني دايما حاله متلخبط.. وواحد تاني بين وبين.. !!

وتستغرب اختلاف حالاتهم.. ودايما تتمنى حال غيرك.. بدون فهم ظروفه او حقيقة حياته..

1- اللي حاله مستقر.. ده قد يكون اضعف من انه يستحمل خبطات كتيرة في حياته.. فـ محتاج حياة مستقرة عشان يقدر يعيش ويكمل.. وربنا عالم بضعفه فـ ميسر له..

وقد يكون وراه مسؤوليات كبيرة.. وحسابات بينه وبين ربه هيتحاسب عليه يوم الدين.. فـ ربنا مهيء له كل الظروف.. عشان ميجيش يتحجج يوم القيامة بـ الظروف وصعوبتها..

2- واللي حالة دايما متلخبط.. قد يكون اضعف من انه يعيش في استقرار.. لانه اما بيرتاح.. بينام.. وبينسى وقلبه بيقسى وبسرعة بيعصى !
فـ ربه عالم مفتاح قلبه => استمرار الاختبار.. عشان ينجيه من نفسه وافكارها..

و قد يكون اقوى من غيره ويقدر يستحمل كتير.. وعشان ربه عالم بحاله.. بيختبره بـ استمرار.. وبيقوّي عضده عشان عالم انه هـ ينقل خبراته لناس كتير حواليه.. وكمان هيبقى مسؤول عن ناس كتيرة ولازم يكون عاش حياتهم وتفاصيلها ويقدر يفيدهم..

3- واللي حاله بين وبين.. قد يكون اضعف من انه يتعرض دايما لـ اختبارات.. لـ يتقطم..
او اضعف من انه يكون دايما في حالة استقرار.. فـ يتعوج !
فمحتاج دايما حالة انعاشه لـ قلبه وحياته.. عشان باستمرار يعيد حساباته..

وقد يكون اقوى من غيره ويقدر يعيش دايما على حالات كتيرة.. عشان يكون اقوى واحسن مثال لـ كل اللي بيشتكي من عدم قدرته على طاعة ربه.. بسبب صعوبة حاله.. او اللي بيشتكي دايما من عدم قدرته على طاعة ربه.. بسبب سهولة حياته ونسيانه المستمر..

فـ يجي الاخير.. حـُجه لكل الأمثلة.. ويتجازى يوم القيامة بما لم يخطر له.. ولغيره

جوار الله <3

احمد ربنا على حالك.. هو عالم ايه انسب لـ قلبك.. وبيهيء لك الطريق اللي تمشي له فيه.. فـ كن مستعد (Y)