السلام عليكم ورحمة الله وبركاته
24/1/2013
انا حلمت انى كنت ف محطه متر وراكبه جوا المترو وفجاة وقفنا ف محطه وببص من الشباك لقيت الشيخ حازم ابو اسماعيل تخين اوى ومغير لون دقنه وبصراحه كان شكله مخيف اوى لكن انا كنت عارفه ان هو الشيخ حازم24/1/2013
لقيته واقف فوق اقفاص مليانه اسود هايجه جدا وهو المدرب بتاعهم وكان ماسك فايده كرباج الى بيروض بيه الاسود والناس واقفه بتتفرج عليه وهى مبسوطه انه قادر يحرك الاسود زى ماهو عايز ناس كتير جدا واقفين يتفرجو كل الى جوا المترو والى ع الرصيفين وفجاة شاور على اسد بيجرى بيهجم على الناس الى واقفين على رصيف الاتجاه التانى وضحك عليهم وقالهم الحقو الاسد ووقف يتفرج عليه وهو بيهجم على الناس والناس كلها كانت بتجرى وهى مزعورة وبتصرخ جامد اوى مخضوضه ومش عارفين يعملو ايه بقو يجرو والى بيغم عليه والى يموت م الخضه وفى ناس نزلت عشان تعدى على الرصيف الى ناحيتنا وكانو بيصرخو جامد اوى انا فاكرة شكلهم كويس وهما مزعورين وواقفه جوا المترو مصدومه ومش عارفه اعمل حاجة ومرة واحدة الاسد نزل وعدى الرصيف الى ف اتجاهنا احنا . وطبعا الناس كلها صرخت جامد اوى تانى وبقو كلهم بيجرو تانى عشان يعدو ويروحو رصيف الاتجاه التانى وانا لما لقيت الاسد جاى يهجم على الناس الى واقفه قدامنا زعقت بصوت عالى وقلت لراجل واقف جنبي مد ايدك شد الناس جوا المترو ماتسيبهومش بس للاسف وانا بقول كدة كنت شايفه شباك المترو فيه حديد قافل الشباك يعنى مستحيل حد يعرف يعدى منه لكن كان نفسي اننا ننقذ الناس وبعد كدة لقيت الراجل الى زعقتله عشان ينقذ الناس دة قفل الشباك وراح المترو مشي بسرعه وفضلت الناس ياعينى مزعورة وبتصرخ ومش لاقيه حد ينقذها ..وبس كدة
اقسم بالله هو دة بالظبط الى انا حلمت بيه ولا زودت كلمه ولا نقصت كلمه وربنا الى عالم بس انا من ساعه الحلم دة وانا على طول فاكراه وكانه موقف حصل ف الحقيقه قدامى ..انا اصلا بعارض فكر الراجل دة وناس كتير فكرهم زيه لكن مش كره شديد اوى كدة .. لكن عمرى ما حلمت بحد منهم هو دة الى اول مرة احلم بيه وللاسف كان حلم مرعب اوى مش عايز يروح من بالى ياريت حد يفسرهولى بجد عشان انا نفسيتى بقت تتعب لما بشوف صورته او اسمع اسمه وافتكر منظره وهو بيضحك على الناس والاسد بيهجم عليهم مستنياكم ضرورى
منقولة
السلام عليكم ورحمة الله وبركاته
التعديل الأخير بواسطة المشرف:
