قناعاتى الشخصية
لو كان الرئيس مرسي ضعيف الشخصية فعلا كان هيبقي إختيار العسكر الأول , لأن كل اللى هم محتاجينه #واجهة يحكموا من وراها و طرطور يسيبهم ينهبوا البلد و خيرها زى ما إتعودوا من أكتر من 60 سنة !
* لو كان الرئيس ضعيف سياسيا , كانت الدول الكبرى اللى لها أطماع فى مصر تمسكت بيه بقوة .. نفس تمسكها بالهاشتاج اللى بيحقق مصالحها و يبيع لهم البلد فى مقابل دعمه و الإعتراف بشرعيته المفقودة !
* لو كان الرئيس مرسي فاشل إقتصاديا , و لما قال إننا لازم ننتج غذاءنا و سلاحنا و دواءنا و إننا هنحقق إكتفاء ذاتى من القمح فى 4 سنوات كان بيكرر شعارات محفوظة بعدها يمضى إتفاقات إستيراد القمح المسرطن و يدمر الزراعة و الصناعة ما كانتش الدول الكبرى الموردة الغذاء و الحبوب لمصر و اللى بتعتبرها مكب نفاياتها تحالفت ضده !
* لو كان إستمرار د. مرسي فى الحكم و إكماله مدته الرئاسية لن يمكنوه من البدء فى تطهير أجهزة الدولة من الفساد , ما كانش تحالفت ضده كل المؤسسات الفاسدة من جيش و داخلية و قضاء و الفاسدين و المرتشين فى كل الهيئات و لدعموه بمنتهى القوة زى ما بيدعموا السفاح !
* لو ما كانش إستمرار د. مرسي فى الحكم و عدم قمع التيار الإسلامى و إعطاءه الفرصة للعمل على الأرض قادرين - مع الوقت -على تغيير ثقافة التدين الوسطى الجميل عند الشعب , ما كانش المشخصاتية و أصحاب ثقافة المستنقعات حاربوه بمنتهى القوة و حاربوا تغيير وزير الثقافة و إحتلوا مكتبه و منعوه من الدخول و ما كناش هنلاقى إلهام شاهين و نادية الجندى و سما المصرى فى مقدمة صفوف المتظاهرين فى التحرير !
* لو ما كانش الرئيس مرسي قادر على النهوض بمصر لتحتل مرتبة متقدمة بين الدول العربية و الإسلامية و مشروعه فاشل لا يهدد مصالحها أو عروشها , ما كانتش دول دعمت الانقلاب عليه بمئات الملايارات .. و لسه بتدعم الانقلاب و مستعدة تدفع كمان و كمان برغم إقتصادها اللى بينهار , فى سبيل عدم عودته هو و الإخوان للحكم!
للأسف .. أعداءنا فى الداخل و الخارج كانوا أكتر ناس قدروا الرئيس مرسي و عرفوا قيمته .. كانوا أكثر ذكاءً و أكثر قدرة على قراءة المستقبل .. تحالفوا ضده و بذلوا الكثير من أجل إفشاله و الإنقلاب عليه
و حاربوه بشعبه فكانوا خنجر فى خصره بدل ما يحموا ظهره .. و تحالفوا مع كل المذكورين بالأعلى من جيش و شرطة و مشخصاتية و فاسدين , بحجة إنقاذ الثورة و إنقاذ مصر, فقتلوا الثورة و أغرقوا مصر و سلموها لأعداءها !
تعجلوا الثمرة , فقطعوا الشجرة ..