- إنضم
- 16 يوليو 2013
- المشاركات
- 3,264
- التفاعل
- 8,756
- النقاط
- 122
بسم الله الرحمن الرحيم
السلام عليكم ورحمة الله وبركاته
وصل اللهم على نبينا محمد واله وصحبه الكرام وسلم تسليما كثيرا
خبر جميل وامل جديد السلام عليكم ورحمة الله وبركاته
وصل اللهم على نبينا محمد واله وصحبه الكرام وسلم تسليما كثيرا
ماهو العقار ثايموكينون
انا عودتكم دائما اجيب لكم الابحاث بمجرد ما يثبت صحتها العلمية
احنا عارفين ان الهيدروكسي كلوروكين في المعمل بيوقف نمو فيروس كورونا بمنعه من الخروج من الديسموسوم اللي الفيروس دخل فيه من جدار الخلية علشان يوصل لهدفه في سيتوبلازم الخلية بمعني اصح الفيروس بيدخل الخلية جوا فقاعة بتشيله من برا الجدار لحد جوا علشان يخرج من الفقاعة ساعة ما يوصل لهدفه والمنطقة اللي هايعرف يسيطر فيها على الكاينيزات او البروتينات المحركة للخلية ويعمل نسخ شبهه
لكن علشان يخرج لازم الفقاعة دي تتطور من ديسموسوم للنوع النهائي وتبقى اسمها ليسوسوم وعلشان تكبر لازم يكون الوسط حمضي وهنا بيشتغل الهيدروكسي كلوروكين ويحول الوسط جواها الى وسط قاعدي فيحبس الفيروس مايعرفش يخرج
طيب ليه فشل الهيدروكسي كلوروكين في علاج فيروس كورونا بشكل قاطع واحنا متأكدين انه بيعمل كده؟؟؟
السبب ان جزئ الهيدروكسي كلوروكين بيتفاعل مع المياه او محب للمياه فلما بيدخل الجسم بيكون التصق بانسجة كتير ويكون تركيزه عند الهدف قليل وعلشان يقتل الفيروس بشكل مباشر لازم يكون طارد او كاره للمياه علشان يقدر بلزق في الغشاء السكري اللي الفيروس بيحاوط بيه نفسه
وده سبب الاختلافات الكبيرة في نتائج الابحاث عليه
لكن فيه مركب تركيبه شبهه اسمه
ثايموكينون
المركب ده اقوى بكتير من الهيدروكسي كلوروكين وثبت اثره في مقاومة الفيروسات كالاتي:
١- اثر قاتل مباشر للفيروس
٢- اثر يمنع انقسام الفيروس
٣- اثر قاتل للبكتريا اللي بتسبب التهاب رئوي ثانوي بعد الاصابة الفيروسية
٤- اثر مضاد للالتهاب اللي بيسببه الفيروس وفي الحالة دي بيشتغل زي السيليسوكسيب (سيليبريكس)
٥- اثر معدل للمناعة وممكن يمنع العاصفة المناعية وفي الحالة دي بيشتغل زي الكورتيزونات (ديكساميثازون او ميثيل بريدنيزولون)
وبالتالي الثيموكينون بيشتغل بشكل غير مباشر ويمنع انتشار الفيروس لانه بيمنع ان الفقاعات اللي شايلة الفيروس تكبر وتفتح تطلع الفيروس بنفس الطريقة اللي بيعملها هيدروكسي كلوروكين لكن بالاضافة هو بيقتل الفيروس مباشرة بالملامسة لان الثايموكينون مركب طارد للمياه فبيلزق في الغشاء اللي الفيروس بيحاوط بيه نفسه ويقتله بشكل مباشر علشان كده في البحث قالوا عنه انه بيشتغل كدرع وسيف في وقت واحد ضد الفيروس
بسبب امكانياته القوية استخدم في علاج امراض كتير منها الانفلوانزا H9N2 وبكتريا زي الكلاميديا وكتير من الامراض موجودة في المراجع المرفقة مع البوست
المشكلة الوحيدة ان تركيزه في الرئة ضعيف علشان هو مركب طارد للمياه لكن اتغلبوا على المشكلة دي بتكنولوجيا النانو وتم وضعه في كبسولات نانو تشيله جوا الجسم لحد ما يوصل للهدف وبعدين تتكسر ويخرج الثايموكينون يقتل الفيروس او البكتريا المستهدفة
حاليا فيه ابحاث نانو عليه علشان يوصل للرئتين
طيب ايه مصدر الثايموكينون؟؟؟
ثايموكينون هو مركب رئيسي في الزيوت الطيارة لبذور نبات النيجيللا ساتيڤا او المعروف باسم زيت الكمون الاسود او زيت الحبة السوداء
الجرعة اللي استخدمها احد الباحثين اللي كتبوا المقال لمًا جاله اصابة بفيروس كورونا اكلينيكيا كانت ٥ مل (معلقة صغيرة) ٣ مرات في اليوم لمدة ٨ ايام يعني الجرعة الكلية كانت ١٢٠ مل والاعراض راحت
الثايموكينون اقوى بكتير من هيدروكسي كلوروكين لانه جزئ اصغر وبيقتل الفيروس بالملامسة لسطحة بالاضافة لمنع خروجه من الفقاعة اللي شايلاه عن طريق قلونتها (تحويل الوسط لقلوي)
الاثر الفعال لمركب ثايموكينون ضد العديد من الفيروسات والبكتريا ثابت علميا في دراسات كتير سابقه ها نحطها في البوست
وده يدينا امل ان بعد ما نقدر نحطه في كبسولة جزيئية من مادة نانو توصله للرئة نقدر نختبر اثره في الدراسات السريرية اللي تتعمل عليه لعلاج فيروس كورونا
ثابموكينون
امل جديد في علاج فيروس كورونا
Thymoquinone
Since its emergence, the epidemic scale of the new coronavirus (SARS-CoV-2) has increased at an
extraordinary rate. Governments, medical personnel, researchers, and companies work to the limits of their capabilities, in attempts to combat the virus. Companies are giving up current projects and chang- ing their activities to help with fighting the virus. In this difficult time, every piece of useful information is valuable. Here, we bring to the attention of the scientific and medical community thymoquinone (TQ), a substance mostly unknown to experts in Western countries, which holds the promise to help treat people infected with this novel virus by (1) by inhibiting its proliferation, (2) by killing it, (3) by killing the bacteria associated with pneumonia, (4) with its anti-inflammatory and (5) with its immuno- modulatory effect – perhaps acting synergistically, or even as a prophylactic remedy to prevent SARS- CoV-2 infection. However, due to its hydrophobicity, the systemic bioavailability of TQ is low. Nanocarriers targeting the lungs exist, and TQ has already been successfully used in nanomedicines targeting different organs except the lungs. Thus, there is not a long way to go. This is the challenge for nanomedicine. It was an anecdotal case report that stimulated the investigation of the therapeutic effect of TQ and the derivation of a mechanism for its dual antiviral action, applicable to COVID-19. Further- more, by exploiting the material published on the antiviral effect of TQ, we compared its antiviral mechanism with that of chloroquine (CQ) and hydroxychloroquine (HCQ). Our analysis indicates that the antiviral action of TQ is similar and most likely superior to that of CQ and HCQ, however, appar- ently without the adverse effects reported for CQ and HCQ. The broad antiviral spectrum and the mech- anism by which TQ presumably neutralizes the new virus justifies the hypothesis in treating COVID-19
منقول
