وش رايك يا مستحوذ في هذه القصيدة ..؟؟
قولوا لبو مْشاري ترى حذفْ موضوع
سليم ما به شيء ولا فيه ممنوع
يصعب اذا ما كان خالي من العيب
وله هدف سامي وواضحْ ومشروع
واذا الرّدودْ تشعّبت واصبح القوم
في هرج زايد بين رافع ومرفوع
فأغلقْ الموضوع من دون تأخير
عبْرَة لكل الناس والكلْ مردوع
احذف وانقل ثم عدّل بلا خوف
والحل بيدك من اساسات وفْروع
يا بو مشاري انت تامر وتنهى
آمر تدلّلْ أنت في الناس مسموع
والعذر منْكم والسموحة تروني
ما هو كبر لكني ميّتْ من الجوع .
وسلامتكم .
يابومعاذ ابدعت والراي مسموع
وانت الخبيربحكمتك تنصف جموع
جبت النقط فوق الحروف النواقيص
وبينت شرط الحذف في كل موضوع
وشروط نقله ثم غلقه بلا ميل
لكن تعال اهمس لك شوي بخضوع
ليه القساوة بعض الاحيان عنوان
في منتدانا واسوأ الظن مطبوع
ليت العرب تصبر على غض الابصار
عن بعض هنّات الربع تكبح الروع
وليت العرب في بعض الاحيان يدرون
باحساس إنسانٍ عن الخط ممنوع
غير متواجد والعضو شخص موقوف
ياصعبها كنه على الوجه مصفوع
يا بو مشاري (زبدة الهرج نيشان)
خذها على وضح النقى ضي وشموع
وسلامتكم